سپریم کورٹ ہمیشہ آئین دی بالا دستی کوں مقدم رکھیے، بلاول بھٹو زرداری

اسلام آباد۔23اکتوبر (اے پی پی):سابق وزیر خارجہ اتے پاکستان پیپلز پارٹی دے چیئرمین بلاول بھٹو زرداری آکھیے جو سپریم کورٹ ہمیشہ آئین دی بالا دستی کوں مقدم رکھیے۔ اے ڳالھ انہاں سنوار کوں اتھاں سپریم کورٹ بار ایسوسی ایشن دے زیر اہتمام آئین دی گولڈن جوبلی تے منعقدہ تقریب توں خطاب کریندے ہوئیں آکھی اے۔ انہاں آکھیے آئین دی گولڈن جوبلی دی تقریب اچ سݙݨ تے سپریم کورٹ بار ایسوسی ایشن دا مشکور ہاں۔ بلاول بھٹو آکھیے سپریم کورٹ ہمیشہ آئین دی بالادستی کیتے کم کیتے ۔ انہاں مزید آکھیے جو 1973ء دا آئین قانون دی حکمرانی دے اصول وضع کریندے ، آئین کہیں وی ریاست دے تابع ہوندے تے جمہوریت آئین دا تحفظ کریندی اے ۔ سابق وزیر خارجہ آکھیے آئین انسانی حقوق دا تحفظ وی کریندے ۔ انہاں آکھیے سپریم کورٹ پریکٹس اینڈ پروسیجر ایکٹ کیس دے فیصلے اچ امید دی کرن نظر آئی اے۔ بلاول بھٹو زرداری آکھیے پاکستان پیپلز پارٹی ھک جمہوری جماعت اے تے الیکشن دا مطالبہ ساݙا حق اے ۔

مضمون کا ماخذ : علاقائی کلیدی الفاظ

متعلقہ مضامین