اسلام آباد۔13اکتوبر (اے پی پی):پاکستان آرمی دی ٹیم برطانیہ ویلز اچ تھیوݨ آلے دنیا دے ساریں توں اوکھے کیمبرین پٹرول مقابلیں اچ چاندی دا تمغہ جت ڳھدے۔پاکستانی ٹیم 67 پنجاب رجمنٹ دے سپاہیاں تے مشتمل ہئی۔ تفصیل موجب 6 اکتوبر 2023 کوں تھیوݨ آلے ایں مقابلے اچ 113 ٹیماں بشمول 32 ملکاں دی 39 بین الاقوامی ٹیماں حصہ ڳھدا۔ کیمبرین پٹرول 48 گھنٹے دا مشن اتے ٹاسک اورینٹڈ پٹرول مشق اے جیں دوران ٹیم دے شرکاء 25 سیر وزن چاتے 60 کلومیٹر دا فاصلہ طے کریندن ۔ برطانیہ اچ تھیوݨ آلے کیمبرین پٹرول مشق دا شمار فوج دے ساریں توں اوکھے مقابلیں اچ تھیندے۔