اسلام آباد۔14جون (اے پی پی) وزارت توانائی دے ترجمان آکھیا جو سمندری طوفان بپر جوائے پاروں ملک اچ آر ایل این جی نال بجلی دی پیداوار اچ عارضی ڳھٹکی اتے لوڈشیڈنگ ودھ ڳی اے۔ بدھ کوں اپݨے ٹویٹ اچ ترجمان آکھیا جو سمندری طوفان اچ اتے بعد اچ بجلی دی بحالی اچ حیدرآباد الیکٹرک سپلائی کمپنی (حیسکو) دی مدد کیتے گیپکو، لیسکو، فیسکو، میپکو اتے سیپکو 5 تقسیم کار کمپنیاں دی ٹیماں ٻھجوائن اتے اے ساحلہ علاقیاں اچ اپݨی ذمہ واریاں نبھیسن۔ انہاں آکھیا جو سمندری طوفان پاروں پاکستان اچ آر ایل این جی دی ترسیل اچ خلل آئے۔ ترجمان آکھیا جو اساں کراچی دے شہریاں کوں معمول دی فراہمی برقرار رکھݨ کیتے کراچی الیکٹرک کوں ایندھن دی مکمل فراہمی یقینی ٻݨیندے پیوں۔