پارلیمنٹ دے مشترکہ اجلاس اچ قومی احتساب (ترمیمی) بل 2022ء منظور

اسلام آباد۔9جون(اے پی پی)پارلیمنٹ دے مشترکہ اجلاس اچ قومی احتساب (ترمیمی) بل 2022ء منظور کر ڳھدا ڳئے ڄیڑھا صدر مملکت ولا ٻھڄوا ݙتا ہا۔ وفاقی وزیر قانون و انصاف سینیٹر اعظم نذیر تارڑ آکھیے جو قومی احتساب (ترمیمی) بل 2022ء تے اعتراضات قانونی و آئینی کائنی، صدر مملکت 85 فیصد ترامیم نال اتفاق کیتے۔ پارلیمنٹ دے مشترکہ اجلاس اچ وزیر قانون و انصاف سینیٹر اعظم نذیر تارڑ تحریک پیش کیتی جو قومی اسمبلی اتے سینیٹ دا منظور تھیا اتے صدر ولوں ولو ٻھڄوایا ڳیا قومی احتساب آرڈیننس 1999ء اچ ٻئی ترمیم دا بل قومی احتساب (ترمیمی) بل 2022ء دستور دے آرٹیکل 57 دی شق 2 دے تحت زیر غور ڳھن آیا ونڄے۔ جیندے تے بحث تھئی اتے ایوان توں تحریک دی منظوری دے بعد وزیر قانون انڄھ فہرست اچ درج ترامیم پیش کیتن جیندی ایوان منظوری ݙے ݙتی۔ ایوان توں شق وار منظوری دے بعد سینیٹر اعظم نذیر تارڑ بل ایوان اچ منظوری کیتے پیش کیتا جیڑھا منظور کر ڳھدا ڳیا۔ پارلیمنٹ دے مشترکہ اجلاس توں منظوری دے بعد ہݨ صدر مملکت توں ایں بل دی توثیق دی کوئی لوڑھ نئیں رہی۔

مضمون کا ماخذ : قزاقوں کی کافی مقدار

متعلقہ مضامین