راولپنڈی ۔ 07 مارچ (اے پی پی) پاک فوج دے سربراہ جنرل قمر جاوید باجوہ دی صدارت اچ تھیونڑ آلی کور کمانڈرز کانفرنس اچ آکھیا گئے جو پاکستان امن ،ترقی اتے استحکام دی مثبت سوچ تے گامزن ہے اتے کوئی طاقت دے استعمال یا ایندی دھمکی توں اساکوں ڈرا نی کر سگد ا،کورکمانڈر کانفرنس اچ کہیں وی مہم جوئی یا جارحیت دے خلاف مادروطن دے دفاع دے عزم دا اعادہ کیتا گئے ۔پاک فوج دے شعبہ تعلقا ت عامہ(آئی ایس پی آر) مطابق پاک فوج دے سربراہ جنرل قمر جاوید باجوہ دی صدارت اچ 219ویں کورکمانڈر کانفرنس خمیس کوں جی ایچ کیو راولپنڈی اچ تھئی۔کانفرنس اچ پاک بھارت جاری کشیدگی نال بنڑن آلی صورتحال دا جائزہ گھدا گئے۔کور کمانڈرز کانفرنس اچ آکھیا گئے بھارت دا ایل او سی تے شہری آبادی کو ں جانڑ بجھ تے نشانہ بناونڑ صرف بھاہ بھڑکاونڑہے، مقبوضہ کشمیر اچ بھارتی ظلم بلدی تے تیل دا کم ہے۔کور کمانڈرز کانفرنس اچ پلوامہ واقعہ دے بعد مقبوضہ کشمیر اچ ودھدے ہوئے بھارتی ظلم تے تشویش دا اظہار کیتا گیا۔ کانفرنس دے شرکاء ایں عزم دا اعادہ کیتا جو کہیں وی مہم جوئی اتے جارحیت دے خلاف مادر وطن دا دفاع کیتا ویسی۔ کور کمانڈرز کانفرنس نیشل ایکشن پلان 2014 ءدا پیشرفت جائزہ گھدا۔پاک فوج دے سربراہ جنرل قمر جاوید باجوہ نیشنل ایکشن پلان تے عمل درآمد سانگے بئے ریاستی اداریاں کوں مکمل مدد ڈیونڑ دی ہدایت کیتی۔ایں موقع تے اپنڑے خطاب اچ آرمی چیف فورسز دے حوصلے اتے کارکردگی دی تعریف کیتی ۔ انہاں آکھیے جو پاکستان امن، استحکام اتے ترقی دی راہ تے گامزن ہے۔ پاک فوج دے سربراہ قوم ولوں حمایت دی وی تعریف کیتی اتے اللہ سائیں دی رحمت دا شکر ادا کیتا۔جنرل قمر جاوید باجوہ آکھیا جو کہیں وی خطرے دا جواب ڈیونڑ سانگے تیار ہسے ، کوئی وی اساکوں خطرے یا طاقت نال ڈرا نئیں سگدا۔ انہاں آکھیے جو پالیسی اتے طاقت دے استعمال داحق صرف ریاست دی صوابدید راہسی۔
.jpg)
.jpg)
