وزیراعظم عمران خان نال چین دی زونرجی کمپنی لمیٹڈ دے صدر رچرڈ جے گوو، نائب صدر کیون چیو اتے چائنہ مشینری انجنیرنگ کارپوریشن دے جنرل منیجر لی کان دی ملاقات، کورونا ریلیف فنڈ کیتے 50 لکھ روپے دا عطیہ
APP56-08
ISLAMABAD: April 08 - A delegation of Zonergy Company Limited of China led by President Zonergy Company Richard J. Guo called on Prime Minister Imran Khan. APP
اسلام آباد ۔ 8 اپریل (اے پی پی)وزیراعظم عمران خان نال چین دی زونرجی کمپنی لمیٹڈ دے صدر رچرڈ جے گوو، نائب صدر کیون چیو اتے چائنہ مشینری انجنیرنگ کارپوریشن دے جنرل منیجر لی کان دی ملاقات، کورونا ریلیف فنڈ کیتے 50 لکھ روپے دا عطیہ ڈتے۔انہاں نیشنل ڈیزاسٹر مینجمنٹ اتھارٹی کوں 30 لکھ روپے مالیت دا طبی سامان وی عطیہ کیتے جیں اچ 30 ہزار ماسک، ہک سو این 95 ماسک اتے 300 حفاظتی سوٹس شامل ہن۔ این ڈی ایم اے دے چیئرمین لیفٹیننٹ جنرل محمد افضل وی ایں موقع تے موجود ہن ۔ چائنہ مشینری انجینئرنگ کارپوریشن دے جنرل منیجر لی کان وزیراعظم کوں چین اچ کپاہ دی پیداوار ودھاونڑ کیتے جدید تے ماحول دوست ٹیکنالوجی دے استعمال بارے ڈسایا گئیا تے پاکستان کوں وی کپاہ دی پیداوار اچ ودھارے کیتے ٹیکنالوجی دے لحاظ نال معاونت کرنڑ دی پیشکش کیتی ۔ ایں موقع تے زونرجی دے صدر پاکستان دے قابل تجدید توانائی دے شعبے بالخصوص سولر پینلز دی تیاری دے منصوبیں اچ سرمایہ کاری تے دلچسپی دا اظہار کیتے۔ وزیراعظم عمران خان چینی کمپنیاں ولوں پاکستان اچ سرمایہ کاری اچ دلچسپی دی تعریف کریندے ہوئیں کورونا وائرس دے خلاف جنگ اچ پاکستان دی معاونت کےتے وڈے دل دا مظاہرہ کرنڑ تے ڈوہیں کمپنیاں دی ستائش وی کیتی ۔
