یورا جگ ہنڑ مودی دے یکطرفہ اقدامات دا نوٹس گھندا پئے، ڈاکٹر فردوس عاشق اعوان
APP31-15
PESHAWAR: August 15 - Advisor to PM on Information and Broadcasting Dr. Firdous Ashiq Awan addressing in connection with Black Day at Press Club. APP Photo by Shaheryar Anjum
پشاور ۔15 اگست (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو یوم سیاہ مناونڑ دا مقصد انسانی حقوق دی عالمی تنظیموں کوں جگاونڑاتے بھارتی مقبوضہ کشمیراچ انسانیت دی تذلیل بارے ڈساونڑ اے،پورا جگ ہنڑ مودی دے یکطرفہ اقدامات دا نوٹس گھندا پئے۔ اے گالھ انہاں پشاور پریس کلب اچ یوم سیاہ بارے سیمینار نال خطاب اتے میڈیا نال گالھ مہار اچ آکھی۔ انہاں آکھیا جو کشمیر دے معاملے تے سلامتی کونسل دااجلاس سڈاونڑ دا فیصلہ بھارت دے این دعوے کون ہک وڈا ہلاوا اے جو کشمیر اوندا اندرونی معاملہ اے،اج مہذب دنیامودی دے غیرقانونی اتے یکطرفہ اقدام دانوٹس گھندی پئی اے، روس وی پاکستان دے مطالبے دی تائید کیتی اے اتے پنج ڈھاکیاں بعدسلامتی کونسل دا مسئلہ کشمیر تے اجلاس سڈاونڑ ساڈی سفارتی فتح اے،عمران خان دی اگوانڑی اچ پاکستان ہرفورم تے مظلوم کشمیریاں دی وکالت کریسی۔ انہاں آکھیا جو مودی دے کالے کرتوتاں نال اپنڑے انہاںعزائم کوں پورا کرنڑ چاہندے جیندی شروعات اوں گجرات اچ مسلماناں دے قتل عام توں کیتی ہئی اتے او ہٹلر آلی کار کشمیریاں دی نسل کشی چاہندے۔ ڈاکٹر فردوس عاشق اعوان آکھیے جو میڈیا ہمیشہ ملک دے دفاع، قومی سلامتی، تشخص اتے وقار دی حفاظت کیتی اے،ساڈی فوج دشمن دی تعداد ڈیکھ تے نئیں اپنڑے جذبہ ایمانی اتے اﷲ دی مددنال طاقتور دشمن کوں وی تباہ کرنڑ دی صلاحیت رکھیندی اے۔ انہاںا ٓکھیے جو استحکام پاکستان دی جدوجہد اتے تعمیر پاکستان دی گول اچ حکومت دے نال نال فوج دا وی اہم کردار اے۔
