اسلام آباد 30 نومبر (اے پی پی) د خارجه دفتر وياند ډاكټر محمد فېصل وئيلي دي د ميزائل ټېكنالوجۍ د نګرانې ډلې (اېم ټي سي آر) د غړيتوب نه پس د هند لخوا د كروز ميزائل تجربې او زياتې دفاعې هلې ځلې د منطقې امن او سلامتيا لپاره سنګين خطر دے٬ پاكستان هارټ آف اېشياء پروسېس ته ډېر اهميت وركوي٬ هارټ آف اېشياء پروسېس اوومه غونډه (نن) د جمعې په ورځ په باكو كښې كېږي٬ خواجه آصف به د پاكستاني پلاوي مشري كوي٬ د افغانستان او سوئيلي اېشياء په اړه د امريكې او پاكستان سوچ كښې فرق دے٬ فاصلې كمولو لپاره د دواړو هېوادونو ترمېنځه نزدې رابطې روانې دي۔ د زيارت په ورځ د اوونيز بريفنګ ??ه مهال د خبريالانو د پوښتنو ځوابونه وركولو كښې د هند لخوا د كروز ميزائل په تجربه د تشويش څرګندونه كولو سره ده ووئيل اېم ټي سي آر) د غړيتوب نه پس د هند لخوا د كروز ميزائل تجربې او دفاعي زياتوالې د منطقې امن او سلامتيا لپاره سنګين خطر دے ٬ د دا ډول اقداماتو څخه د هند د جارحانه عزائموعكاسي كېږي۔ وياند په مقبوضه كشمير كښې د كېماوي وسلو كارولو پحقله په راپورونو هم د تشويش څرګندونه وكړه او دا ئي د بشري حقونو سنګينه خلاف ورزي وګرځوله او نړيوالې ورورولۍ څخه ئې غوښتنه كړې چې د دې پلټنې كول پكار دي۔ د پاك امريكې اړيكو پحقله وياند ووئيل د افغانستان او سوئيلي اېشياء په اړه د امريكې او پاكستان سوچ كښې فرق دے٬ فاصلې كمولو لپاره د دواړو هېوادونو ترمېنځه نزدې رابطې روانې دي۔ په دې لړ كښې د امريكې دفاع وزير د پاكستان دوره هم متوقع ده۔ وياند ووئيل نزدې اړيكې د دواړو هېوادونو د اولس په ګټه دي۔وياند په افغانستان كښې د كوكنارو پېداوار په زياتوالې د تشويش څرګندونې سره ووئيل د قاچاقبرو او ترهه ګرو ترمېنځه اړيكې سيمه ايز امن او اقتصادي او سماجي هلو ځلو له خطري دې٬ بايد نړيواله ورورولي نوټس واخلي۔ وياند ووئيل په سعودي كښې د ترهه ګرۍ مخنيوي لپاره د اسلامي پوځ الائنس په غونډه كښې پاكستان د ترهه ګرۍ په ضد د جنګ ??حقله خپلې هڅې رامخې ته كړې او د ترهه ګرۍ مخنيوي په غرض د نړيوالو هلو ځلو ملاتړ لپاره ئې د خپل عزم پخلې كړې۔ وياند ډاكټر فېصل د يوې پوښتنې په ځواب ووئيل د تركيې پوليس په غېر قانوني توګه اروپا ته ننوتونكې 57 پاكستانيان ځوانان د انساني قاچاقبرو نه راخوشې كړې او درې قاچاقبر ئې نيولي دي۔ وياند ووئيل د ابتدائي كاروائۍ نه پس به پاكستانيان زر خپل هېواد ته راولېږلې شي
.jpg)
