اکادمی ادبیاتِ پاکستان دی طرفوں میلادُ النبی (صلی اللہ علیہ و آلہ وسلّم) دی مناسبت نال نعتیہ مشاعرہ
اسلام آباد۔15ستمبر(اے پی پی) اکادمی ادبیاتِ پاکستان طرفوں میلادُ النبی (صلی اللہ علیہ و آلہ وسلّم) دی مناسبت اکادمی ادبیات اچ نعتیہ مشاعرہ تھیا جیندی صدارت عرش ہاشمی کیتی۔ مہمانانِ خصوصی اچ ڈاکٹر ارشد محمود ناشاد، منظر نقوی، اختر عثمان تے جناب عبدالقاد تاباں شامل ہن ۔ ڈاکٹر نجیبہ عارف صدر نشین اکادمی ادبیات سپاس نامہ پیش کیتا تے آپدا نعتیہ کلام وی سݨایا۔
نعتیہ مشاعرے دی نظامت در شہوار فیروز کیتی ۔ ڈاکٹر نجیبہ عارف سارے شریک شاعرہ دا شکریہ ادا کیتا جو او ایں مقدس تے بابرکت محفل اچ شریک تھئے تے سرورِ کونین احمدِ مجتبیٰ حضرت محمدِ مصطفیٰ صلی اللہ علیہ وآلہ وسلم دے حضور منظوم نذرانہ عقیدت پیش کیتا۔
صدر محفل جناب عرش ہاشمی آکھیا جو اینجھی سوہݨی نعتیہ مشاعرے دی محفل کرݨ تے اکادمی مبارک باد دی مستحق اے۔ انھاں آکھیا جو ایں نعتیہ مشاعرے دے سرور توں بھرے لمحے ایندی قبولیت دی دلیل ان ۔ایں نعتیہ مشاعرے اچ منظوم نذرانہء عقیدت پیش کرݨ آلیاں اچ وکھو وکھ علاقیاں، زباناں، عمراں، تے نقطہ ہائے نظر دے لوک شریک تھئے ۔
سرائیکی وسیب دی نمائندہ اکادمی ادبیات دی بورڈ آف گورنرز ڈاکٹر سعدیہ کمال وی موجود ہن تے عرش ہاشمی، ڈاکٹر نجیبہ عارف، ڈاکٹر ارشد محمود ناشاد، منظر نقوی، اختر عثمان، عبد القادر تاباں، حافظ نور احمد قادری، ڈاکٹر شازیہ اکبر، نصرت تاب نصرت، عالی شعار بنگش، سعید شارق، خضر سعید، احمد اقبال ترمزی، محمد گل نازک، حسیب جمال، سردار یوسفزئ (پشتو)، جورشید ابن لبید ( پشتو)، اقبال حسین افکار ( پشتو)، سارہ افکار( پشتو)، اقدس ہاشمی، حسن شہزاد راجہ، افشاں عباسی، جنید نسیم سیٹھی اتے وسیم فقیر تے ݙوجھے شامل ہن ۔(ڈاکٹر سعدیہ کمال)
