ہک مضبوط اتے مستحکم پاکستان ای تنازعہ کشمیر دا مقدمہ دنیا سامھے چنڳے انداز اچ لڑ سڳدے، وزیراعظم دے مشیر قمر زمان کائرہ

اسلام آباد۔16فروری (اے پی پی) وزیراعظم دے مشیر امور کشمیر و گلگت بلتستان قمر زمان کائرہ آکھیا جو کہیں وی جمہوری حکومت دے دور اچ کشمیر پالیسی تے کوئی تبدیلی نی تھئٰ، کشمیریاں تنازعہ کشمیر کوں دنیا اچ فلیش پوائنٹ ٻݨا رکھیے، ہک مضبوط اتے مستحکم پاکستان ای تنازعہ کشمیر دا مقدمہ دنیا سامھے چنڳے انداز اچ لڑ سڳدے۔ پاکستان دی نینگر نسل کوں تنازعہ کشمیر بارے ݙساوݨ کیتے کم کرݨا پوسی۔ دنیا اچ طاقتور دی ڳالھ منی ویندی اے۔ نجی میڈیا وی قومی میڈیا وانڳوں تنازعہ کشمیر کوں اجاگر رکݨ کیتے اپݨا کردار اداکرے۔ او خمیس کوں اقبال انٹرنیشنل انسٹی ٹیوٹ برائے تحقیق تے مکالمہ ولوں یوم یکجہتی کشمیر بارے تھیوݨ آلے سیمینار توں مزمان خصوصی طور خطاب کریندے پے ہن۔ سیمینار دی صدارت وائس پریذیڈنٹ پروفیسر ڈاکٹر نبی بخش جمالی کیتی اتے سیمینار توں سابق ترجمان دفتر خارجہ تے سفیر ڈاکٹر عبدالباسط، کشمیر چیئر دے سربراہ بریگیڈیئر (ر) محمد خان، حریت رہنما شیخ عبدالمتین، وائی ایف دے ایگزیکٹو ڈائریکٹر زمان باجوہ، انچارج شعبہ اردو اسلامی یونیورسٹی ڈاکٹر کامران کاظمی وی خطاب کیتا۔ انہاں آکھیا جو ہک مضبوط اتے مستحکم پاکستان ای تنازعہ کشمیر دا مقدمہ دنیا سامھے چنڳے انداز اچ لڑ سڳدے۔

مضمون کا ماخذ : بونانزا

متعلقہ مضامین