کثیر القومی جوائنٹ اسپیشل فورسز دی مشق ’’ فجر الشرق فائیو‘‘مک ڳئی

راولپنڈی۔ 9دسمبر(اے پی پی) ݙو ہفتے طویل کثیر القومی مشترکہ سپیشل فورسز دی مشق فجر الشرق-فائیو نیشنل کاؤنٹر ٹیررازم سنٹر (این سی ٹی سی) پبی اچ مک ڳئی اے۔ مشق اچ پاکستان، بحرین، عراق اتے کویت دی اسپیشل فورسز دے دستیں حصہ ڳھدا ۔ آئی ایس پی آر توں جاری پریس ریلیز موجب ݙو ہفتے طویل مشق دا آغاز 27 نومبر کوں این سی ٹی سی، پبی اچ انسداد دہشت گردی دے شعبے اچ بھرا ملکاں دی خصوصی فوج دے دستیں دی شرکت دے نال تھیا ۔ مشق اچ حصہ گھنݨ آلے نینگراں توں علاوہ بھرا ملکاں بحرین، عراق اتے کویت دے افسراں وی اختتامی تقریب اچ شرکت کیتی۔شریک ملکاں دی اسپیشل فورسز دے دستیں اپݨی پیشہ وارانہ مہارت دا مظاہرہ کیتا۔ایں مشق دا مقصد بھرا ملکاں وچال تاریخی فوجی تعلقات کوں مزید تکڑا بݨاوݨ تے انسداد دہشت گردی دے خلاف مشترکہ کارروائیاں دے تصورات ودھاوݨ توں انڄ مستقبل دے فوجی تعاون سانڳے سانجھی دلچسپی دے شعبیں دی نشاندہی کرݨ ہئی ۔

مضمون کا ماخذ : لاٹری آن لائن خریداری

متعلقہ مضامین