قوم کیپٹن کرنل شیر خان شہید سودھے اپݨے سارے شہداء کوں سلام پیش کریندی اے، وزیراعظم شہباز شریف

اسلام آباد۔5جولائی(اے پی پی) وزیراعظم شہباز شریف کیپٹن کرنل شیر خان شہید نشان حیدر کوں انہاں دے 24 ویں یوم شہادت تے شاندار الفاظ اچ خراج عقیدت پیش کریندے ہوئیں آکھیے قوم کیپٹن کرنل شیر خان شہید سودھے آپݨے سارے شہداء کوں سلام پیش کریندی اے ۔ وزیر اعظم آفس دے پریس ونگ توں جاری پیغام اچ وزیراعظم آکھیے کیپٹن کرنل شیر خان شہید پاکستان دا او بہادر اتے جری پتر اے جیں دی جرات، دلیری اتے شجاعت دا اعتراف خود دشمن کیتے، 17 ہزار فٹ دی بلندی تے گلتری دے مقام تے دفاع وطن دا حق مثالی فرض شناسی توں ادا کیتے اتے اپݨی جان ارض پاک تے قربان کرݙتی۔ انہاں آکھیے کیپٹن کرنل شیر خان اپݨے ناں دی طرح شیر بݨ تے دشمن تے جھپٹا اتے مادر وطن دی سرحداں توں حملہ آور دشمن کوں مار بھڄائے، کیپٹن کرنل شیر خان اپݨے جانبازاں دے رلے دشمن دے مقابلے اچ تعداد اچ گھٹ تھیوݨ دے باوجود پاکستان دی سرحد دا دفاع کیتے۔ وزیراعظم آکھیے قوم اپݨے شہداء دی ہمیشہ مقروض رہسی تے انہاں دے درجات دی بلندی کیتے دعا کریندی رہسی ۔ انہاں آکھیے 9 مئی کوں کیپٹن کرنل شیر خان سودھے ٻئے شہدا دی یادگاراں اتے مجسمیں دی بے حرمتی کرتے ندامت دی سیاہ تاریخ لکھی ڳئی۔ اللہ تعالیٰ شہدا دے درجات بلند فرماوے اتے اہل خانہ کوں صبر جمیل عطا فرماوے۔

مضمون کا ماخذ : جیتنے والی لاٹری

متعلقہ مضامین