وزیراعظم شہباز شریف دا عوام کوں عیدالفطر دا وݙا تحفہ، پہلی مئی توں لوڈشیڈنگ مکمل ختم کرݨ، کساناں کوں زرعی مشینری چلاوݨ کیتے ڈٰیزل ݙیوݨ دی ہدایت

اسلام آباد۔26اپریل (اے پی پی) وزیراعظم شہباز شریف دا عوام کوں عیدالفطر دا وݙا تحفہ، پہلی مئی توں لوڈشیڈنگ مکمل ختم کرݨ، کساناں کوں زرعی مشینری چلاوݨ کیتے ڈٰیزل ݙیوݨ دی ہدایت کیتی اے۔ منگل کوں وزیراعظم آفس میڈیا ونگ توں جاری بیان موجب وزیرِاعظم شہباز شریف دی صدارت اچ ملک اچ بجلی دی اعلانیہ اتے غیر اعلانیہ لوڈشیڈنگ تے اعلیٰ سطح دا ہنگامی اجلاس تھیا۔ اجلاس کوں بریفنگ وچال ݙسیا ڳیا جو شہباز شریف سپیڈ تے عمل کریندیں ہوئیں ہک سال توں ودھ عرصے توں بند پئے 27 بجلی گھراں اچوں 20 کوں فعال کر ݙتا ڳئے۔ 20 بجلی گھراں دے ولا چلݨ نال بجلی دی پیداوار ودھ ڳئی اے، گزریل حکومت چار سالیں اچ بجلی گھراں کیتے ایندھن نی ڳھدا، اڄوکی حکومت ݙو ہفتیاں اچ بندوبست کر ڳھدے۔ وزیراعظم کوں ݙسیا ڳیا جو بجلی دی مجموعی پیداوار تقریباً 18500 میگاواٹ اے، طلب دے لحاظ نال بجلی دا شارٹ فال 500 توں 2000 میگاواٹ اے۔ وزیرِاعظم ، 30 اپریل تئیں سارے مسئلیاں کوں مکاوݨ کیتے پہلی مئی توں بجلی دی لوڈ شیڈنگ کوں ختم کرݨ دی ہدایت ݙے ݙتی اے۔ اجلاس اچ وفاقی وزیرِ اطلاعات مریم اورنگزیب، سابق وزیراعظم شاہد خاقان عباسی اتے متعلقہ اعلیٰ حکام شرکت کیتی۔

مضمون کا ماخذ : راکی

متعلقہ مضامین