اسلام آباد۔23نومبر(اے پی پی) چیف جسٹس آف پاکستان جسٹس یحییٰ آفریدی عدالتی اصلاحات دے پاسے اہم پیشرفت دے تحت سپریم کورٹ آف پاکستان پشاور برانچ رجسٹری اچ ھک اجلاس دی صدارت کیتی۔اجلاس دے دوران صوبہ خیبر پختونخوا سانڳے ذیلی کمیٹی بݨاوݨ دا فیصلہ کیتا ڳئے جیڑھا جو مختلف جیلاں دا دورہ کریسی تے اصلاحات دا مسودہ پیش کریسی ۔ ہفتے کوں اتھاں افسرتعلقات عامہ سپریم کورٹ دی طرفوں جاری پریس ریلیز موجب اجلاس اچ پشاور ہائی کورٹ دے چیف جسٹس اشتیاق ابراہیم ، جسٹس اعجاز ??نو??خان، انتظامی/ مانیٹرنگ جج جیل خانہ جات پشاور ہائی کورٹ، پشاور ہائی کورٹ دے سابق جج جسٹس قلندر علی خان (ریٹائرڈ) ، شاہ فیصل اتمان خیل ایڈووکیٹ جنرل خیبرپختونخوا ،محمد عابد مجید اے سی ایس محکمہ داخلہ اتے قبائلی امور، اختر حیات خان انسپکٹر جنرل پولیس،محمد عثمان انسپکٹر جنرل جیل خانہ جات ،رجسٹرار سپریم کورٹ آف پاکستان،پشاور ہائی کورٹ دے رجسٹرار تے رفعت انعام بٹ سیکرٹری لاء اینڈ جسٹس کمیشن آف پاکستان (LJCP)، عائشہ بانو سماجی کارکن ، حکومت تے اپوزیشن دی نمائندگی کرݨ آلے ارکان بشمول امجد علی، فضل شکور خان اتے احمد کریم کنڈی وی شرکت کیتی۔ اجلاس دے شرکاء سفاکانہ فعل دا نشانہ بݨݨ آلے کرم دے جاں بحق مسافراں سانڳے فاتحہ خوانی کیتی۔ چیف جسٹس یحییٰ آفریدی چھوٹے جرائم اچ ملوث 1289 قیدیاں کوں رہا کرݨ اچ پشاور ہائی کورٹ دے کردار دی تعریف کیتی ۔ انھاں دہشت گردی دے حملیں کوں ناکام بݨاوݨ تے شہریاں دے دفاع اچ خیبر پختونخوا پولیس دے کردار دی وی تعریف کیتی۔ انہاں صوبے اچ فرانزک سائنس دیاں سہولتاں کوں اپ گریڈ کرݨ دی اہمیت تے وی زور ݙتے تاں جو موثر اتے شواہد تے مبنی مجرمانہ تحقیقات اچ مدد مل سڳے۔ذیلی کمیٹی جسٹس اعجاز ??نو?? خان (کنوینر)، جسٹس قلندر علی خان (ر) (ممبر)، عائشہ بانو (کوآرڈینیٹر)، فضل شکور خان (ممبر) تے مشتمل ہوسی۔ احمد کریم کنڈی (ممبر)امجد علی (ممبر) ، آئی جی جیل خانہ جات اتے ایل جے سی پی دے نمائندے وی ذیلی کمیٹی اچ شامل ہوسن ۔ ذیلی کمیٹی زیر سماعت قیدیاں دے مسئلیں تے آپݨی سفارشات پیش کریسی جیں توں جیلاں اچ بحالی دے پروگراماں بشمول پیشہ ورانہ تربیت، ذہنی صحت دی مدد اتے تعلیمی اقدامات، قیدیاں کوں معاشرے اچ ول انضمام سانڳے تیار کرݨ دے اقدامات کوں ودھارا ملسی ۔ اے سفارشات نیشنل جیل ریفارمز پالیسی دی تشکیل اچ اہم کردار ادا کریسن تے ایں ڳالھ کوں یقینی بݨایا ویسی جو پالیسی سارے صوبیں دے تاثرات اتے ترجیحات دی عکاسی کریندی ہووے ۔ واضح رہے جو چیف جسٹس آف پاکستان جسٹس یحییٰ آفریدی تے سارے شراکتداراں دی قیادت دا باقاعدہ رابطہ چیف جسٹس دے اقدامات دا عکاس اے۔ جیڑھا جو سپریم کورٹ دے کلیدی فوکس ایریا دے طور تے مذکورہ اصلاحات دی اہمیت کوں اجاگر کریندے جیں دا مقصد اصلاحی نظام اچ پراݨی نااہلیاں کوں د??ر کرݨ اے ۔ نیشنل جیل ریفارم پالیسی ھک شفاف، مساوی اتے بحالی دا فریم ورک قائم کرݨ دی خواہش دا اظہار کریندی اے جیڑھا جو آئینی ذمہ واریاں تے بین الاقو??می معیارات موجب ہووے۔ اے مشترکہ کوشش پاکستان اچ زیادہ موثر تے فوجداری انصاف دے نظام دی تشکیل دے پاسے ھک تبدیلی دے قدم دی نمائندگی وی کریندی اے
