لاہور۔20مارچ (اے پی پی):نگران وزیراعلی پنجاب محسن نقوی آکھیے پنجاب اچ مفت اٹے دی فراہمی شروع تھی چکی اے ،ھک کروڑ 58 لکھ خانداناں دے 10کرو?? لوکاں کوں 30 کلو گرام مفت اٹا ݙیسوں ۔ پولیس دے خلاف جیڑھی دہشتگردی تھئی ایںدی تحقیق کیتے جے آئی ٹی بݨیندے پیوں جیں دا نوٹیفکیشن اڄ تھی ویسی ۔ وزیراعلی آفس اچ ھک پریس کانفرنس توں خطاب کریندے ہوئیں نگران وزیراعلی پنجاب محسن نقوی آکھیے پورے صوبے اچ 8لکھ توں ودھ اٹے دے تھیلے مفت ݙتے ڳئن ،عوام توں اپیل کرینداں جو رش دی صورت اچ بے صبری دا مظاہرہ نہ کرن،ھک ݙو ݙینھ اچ رش گھٹ تویسی ساریں کوں اٹا ملسی ، جتھاں وی مسئلہ ہوسی اینکوں وختی حل کریسوں ۔وزیراعلی آکھیے می??یا دے دوستاں توں گزارش اے حالات دی صحیح منظرکشی کرن ۔انہاں آکھیے اڄ می??یا دے دوستاں دے سامݨے زمان پارک آلے واقعہ متعلق حقائق بیان کرݨ چاہنداں انہاں آکھیے اڄ تئیں کوشش کیتی اے جو لاہور اچ ماحول اتے حالات خراب نہ تھیون،جانی نقصان توں بچݨ دیاں ساریاں کوششاں کیتن ،پولیس گیٹ تے پڄ ڳئی ہئی تے رینجرز وی نال ہئی ،پولیس کوں اسلحہ دی موجودگی دی اطلاع تے می?? واپس سݙیا ۔انہاں آکھیے رات کوں ویندے ہوئے پولیس اہلکار کوں بے دردی نال ماریا ڳیا، ایلیٹ فورس دی گاݙی کوں رات 1:30 وڄے روکیا ڳیا ، ہتھیار کھسیے، گاݙی کوں بھنیا تے نہر اچ سٹ ݙتا ،نہر دے آسوں پاسوں جنگلے ہن، گاݙی کوں نہر اچ سٹݨ سوکھا کم کائنی اے کم عام لوک نی کرسڳدے اتھاں ایجھے لوک موجود ہن جیڑھے دہشت گردی اچ ملوث ہن ، انہاں دیاں تصویراں وی آڳئن تے انہاں کارروائیاں اچ پنجاب دے ٻاہروں آوݨ آلے لوک ملوث ہن ۔ وزیراعلی پنجاب آکھیے سیاسی جماعت ایجھیاں کاروائیاں نی کریندی ، نہ ہی بھن تروڑ سیاسی سرگرمی اکھویندی اے ،عمران خان کل وی تڑیاں ݙتن ، کݙاہیں آئی جی اتے سی سی پی او دا ناں ڳھدا ڳیا ۔وزیراعلی محسن نقوی آکھیے پولیس تے اعتماد کائنی تاں سکیورٹی واپس بھجوا ݙیو۔،الیکشن کمیشن کوں انہاں دی سیاسی سرگرمیاں توں ہٹ تے تھیوݨ آلیاں کاروائیاں بارے ݙساوݨ کیتے خط لکھیندے پیوں ۔ محسن نقوی آکھیے می?? پولیس فورس، سٹیٹ اتے گورنمنٹ دے رلے کھڑاں ،ہݨ کوئی ایجھا کم کریسن تاں جواب ملسی ۔ پولیس دے خلاف کجھ تھیا تاں جواب ݙیسوں ،آئی جی کوں حالات ݙیکھ تے فیصلہ کرݨ دی مکمل اجازت ݙتی اے ۔ صوبائی وزیر اطلاعات عامر میر، سیکرٹری اطلاعات، ڈی جی پی آر اتے متعلقہ حکام وی ایں موقع تے موجود ہن۔
