اسلام آباد ۔ 15 جون (اے پی پی) وزیراعظم عمران خان آکھیا جو متاثرہ علاقیاں اچ سمارٹ لاک ڈاﺅن سانگے صوبیاں کوں ہدایات جاری کر ڈتیاں گئن۔حفاظتی اقدامات پاروں کوروناوائرس کھنڈنڑ توں روکیا ونج سگدے،عوام دا تعاون حکومت دی کوششاں کوں کامیاب کرنڑ سانگے بہوں ضروری اے۔اے گالھیں انہاں اپنڑی صدارت اچ کوروناوائرس دی صورتحال بارے جائزہ اجلاس نال خطاب کریندیں ہوئیں آکھی۔اجلاس اچ وفاقی وزیرِ اطلاعات و نشریات سینیٹر شبلی فراز، وفاقی وزیر برائے منصوبہ بندی اسد عمر، وفاقی وزیر داخلہ اعجاز شاہ، وفاقی وزیر برائے صنعت و پیداوار محمد حماد اظہر، مشیر خزانہ ڈاکٹر حفیظ شیخ، معاون خصوصی برائے اطلاعات لیفٹیننٹ جنرل (ر) عاصم سلیم باجوہ، فوکل پرسن برائے کووڈ۔19 ڈاکٹر فیصل سلطان، چیئرمین این ڈی ایم اے اتے سینئر افسر شریک تھیے۔اجلاس اچ کورونادی اجوکی صورتحال،آندے کجھ ڈینھ دے تخمینے اتے صورتحال نال نبڑنڑ سانگے کیتے گئے اقدامات تے غور کیتا گئیا۔اجلاس اچ ملک دے مختلف صوبیاں اچ کورونا دے مریضاں سانگے موجود بیڈز، آکسیجن، وینٹی لیٹرز اتے سہولتاں دی اجوکی صورتحال اتے ودھارے سانگے کیتے گئے اقدامات دا وی جائزہ گھدا گئیا۔اجلاس کوں ڈسیا گئیا جو ایں ویلھے ملک اچ کورونا دا ٹیسٹ کرنڑ آلی 107لیبارٹریز کم کریندیاں پئن اتے ہر ڈینھ 25ہزار ٹیسٹ کیتے ویندے پئن۔ایں ویلھے ملک اچ 4800وینٹی لیٹرز ہن پئے اتے بئے 1600جلدی ودھ ویسن،این 95ماسک اتے وینٹی لیٹر مقامی طور بنڑائے ویندے پئن۔اجلاس کوں ڈسیا گئیا جو جولائی تئیں سارے صوبیاں دے مختلف ہسپتالاں اچ ڈو ہزار کووڈ19بسترے ودھا ڈتے ویسن۔کورونا دے متاثرہ علاقیاں اچ سمارٹ لاک ڈاﺅن بارے اجلاس کوں ڈسیا گئیا جو ملک دے 20وڈے شہراں اچ انہاں جہیں دی نشاندہی کیتی گئی اے جتھاں کورونا ودھ اے اتے جتھاں صوبائی اتے ضلعی حکومتاں ولوں انتظامی اقدامات کرنڑ دی لوڑھ اے۔وزیراعظم ایں موقع تے خطاب کریندیں ہوئیں آکھیا جو متاثرہ علاقیاں اچ سمارٹ لاک ڈاﺅن سانگے صوبیاں کوں ہدایات جاری کر ڈتیاں گئن۔حفاظتی اقدامات پاروں کوروناوائرس کھنڈنڑ توں روکیا ونج سگدے،عوام دا تعاون حکومت دی کوششاں کوں کامیاب کرنڑ سانگے بہوں ضروری اے۔
