پاکستان دے آئی ٹی و ٹیلی کام سیکٹر اچ سرمایہ کاری دے وسیع موقع موجود ہن، وزیر مملکت شزہ فاطمہ خواجہ

اسلام آباد۔16اپریل (اے پی پی):وزیر مملکت انفارمیشن ٹیکنالوجی و ٹیلی کمیونیکیشن شزہ فاطمہ خواجہ آکھیے جو موجودہ حکومت ملک اچ سرمایہ کاری سانڳے کوشاں اے، پاکستان دے آئی ٹی و ٹیلی کام سیکٹر اچ سرمایہ کاری دے وسیع مواقع موجود ہن۔ وزارت انفارمیشن ٹیکنالوجی و ٹیلی کمیونیکیشن توں جاری بیان موجب وزیر مملکت شزہ فاطمہ خواجہ نال سی ای او تاون پرائیویٹ لمیٹڈ محمد شہباز خان اتے سی ای او وطین عدیل راشد انہاں دے دفتر اچ ملاقات کیتی جیں اچ ڈیجیٹلائزیشن اتے ٹیلی کام سیکٹر اچ سرمایہ کاری دے حوالے نال ڳالھ مہاڑ تھئی ۔وزیر مملکت شزہ فاطمہ خواجہ آکھیے جو وزیر اعظم دے ویژن دے تحت ملک اچ سرمایہ کاری دے ودھارے سانڳے کوشاں ہن،پاکستان دے آئی ٹی و ٹیلی کام سیکٹر اچ سرمایہ کاری دے ٻہوں موقع ہن۔انہاں آکھیے جو موجودہ حکومت پرائیویٹ سیکٹر کوں مکمل سپورٹ کریسی ، نینگر ساݙے ملک دا سرمایہ ہن ،یوتھ دی ترقی سانڳے پرعزم ہیسے۔ شزہ فاطمہ آکھیے متحدہ عرب امارات دے شیخ نہیان بن مبارک النہیان دی پاکستان دے ٹیلی کام سیکٹر اچ مزید سرمایہ کاری کرݨ دی دلچسپی دی تعریف کریندوں ۔سی ای او تاون محمد شہباز خان آکھیے او فائبر انفراسٹرکچر اچ مزید سرمایہ کاری کرݨ چاہندن ۔

مضمون کا ماخذ : aplicativos de apostas loteria

متعلقہ مضامین