پاکستان دی طرفوں غزہ سانڳے امداد ݙیوݨ دا سلسلہ جاری ،نیشنل ڈیزاسڑ مینجمنٹ اتھارٹی

اسلام آباد۔4فروری (اے پی پی):حکومت پاکستان دی طرفوں غزہ دی عوام سانڳے امدادی سامان ݙیوݨ دے سلسلے کوں جاری رکھیندے ہوئیں این ڈی ایم اے الخدمت فاؤنڈیشن دے تعاون نال پنجویں امدادی پرواز روانہ کرݙتی ۔ امدادی سامان پاکستان ائیر فورس دے C-130 طیارے دے ذریعے نور خان ائیر بیس توں روانہ کیتا ڳئے ۔نیشنل ڈیزاسڑ مینجمنٹ اتھارٹی (این ڈی ایم اے)دی طرفوں اتوار کوں جاری اعلامیہ موجب سامان روانگی دی تقریب اچ این ڈی ایم اے، مسلح افواج، وزارتِ خارجہ دے افسراں تے الخدمت فاؤنڈیشن دے نمائندگان نور خان ائیر بیس تے موجود ہن ۔ اے امداد ی سامان العرش مصر پڄسی جتھاں مصر اچ تعینات پاکستانی سفیر فلسطینی عوام اچ ونڈݨ سانڳے سامان وصول کریسن ۔امداد ی سامان اچ پالے دے موسم سانڳے گرم خیمے، ترپال اتے کمبل شامل ہن۔ ایں توں انڄ این ڈی ایم اے دی طرفوں ھک ٻئی امدادی پرواز کراچی توں 100 ٹن سامان گھن تے 6 فروری کوں مصر روانہ تھیسی ۔پاکستان دی طرفوں ہݨ تئیں غزہ سانڳے پنج پروازاں دے ذریعے تقریباً230 ٹن امدادی سامان روانہ کیتا ڳئے ۔ پاکستان اوکھے ویلھے فلسطینی بھیݨ بھراویں دے رلے کھڑے ۔

مضمون کا ماخذ : resultados loteria ریو ڈی جنیرو

متعلقہ مضامین