وزیر خارجہ شاہ محمود قریشی توں نائجیرین وزیر دفاع میجرجنرل (ر) بشیر صالحی مگاشی دی ملاقات

اسلام آباد۔17مارچ (اے پی پی):وزیر خارجہ مخدوم شاہ محمود قریشی توں نائجیریا دے وزیر دفاع میجر جنرل (ر) بشیر صالحی مگاشی خمیس کوں وزارت خارجہ اچ ملاقات کیتی۔وزیر خارجہ آکھیے جو پاکستان اتے نائجیریا دے درمیان ودھدا ہویا دفاعی تعاون باعث اطمینان اے۔ گزریل سال پاکستانی جے ایف تھنڈر لڑاکا ہوائی جہازاں دی نائجیریا منتقلی ٻہوں چنڳاں شگون اے۔شاہ محمود قریشی آکھیے جو نائیجیرین فوجیاں کوں پاکستان اچ انسداد دہشت گردی دی تربیت ݙیوݨ ساݙے دفاعی تعلقات دے استحکام دی مظہر اے۔وزیر خارجہ پاکستان اتے نائجیریا وچال انسداد دہشت گردی اتے بارڈر مینجمنٹ اتے سرویلنس دے حوالے نال مفاہمت نامے تے وختی دستخط دی لوڑھ تے زور ݙتے اتے آکھیے جو اساں ݙو طرفہ سیاسی مشاورت، سفارتی اتے سرکاری پاسپورٹ ہولڈرز کیتے ویزا دے خاتمے دے حوالے نال، زیرالتوا مفاہمت نامیں کوں وختی حتمی شکل ݙیوݨ چاہندوں ۔وزیر خارجہ آکھیے اساں نائجیریا دے صدر محمد بوہاری کوں پاکستان اچ وختی خوش آمدید آکھݨ دے منتظر ہیسے۔

مضمون کا ماخذ : خوش قسمت لڑکی

متعلقہ مضامین