ملګرو ملتونو كښې د پاكستان مستقل مندوبې مليحه لودھي لخوا د پاكستان ورځې په موقع استقباليه ملګروملتونو كښې د بېلو هېوادونو سفارتي نمائندګانو او سفارتكارو په ګډه دل دل پاکستان ملی سندره وړاندې كړه

نیویارک ۔24 مارچ (اے پی پی) ملګروملتونو كښې د بېلو هېوادونو سفارتي نمائندګانو او سفارتكارو په ګډه دل دل پاکستان ملی سندره ووئيله۔ دوئي دا سندره ملګرو ملتونو كښې د پاكستان مستقل مندوبې مليحه لودھي لخوا د پاكستان ورځې په موقع وركړې شوې د استقباليې په دستوره كښې ووئيله كومه كښې چې ملګرو ملتونو كښې د بېلو هېوادونو سفارتي نمائندګانو او سفارتكارو لوئې شمېر كښې ګډون وكړو۔ په دې مهال خپل خطاب كښې مليحه لودھي د پاكستان جوړېدو په لړ كښې دقرارداد پاكستان منظورۍ په اهميت او په تحريك پاكستان كښې د خپل پلار نيكه په كردار تفصيلي رڼا واچوله۔ دې د ملګرو ملتونو امن مشنز كښې شاملو پاكستاني سړو او مېرمنو اهلكارو ته هم د عقيدت پېرزوينې وړاندې كړې۔ په دې مهال ګڼ شمېر سفيرانو او سفارتكارو مليحه لودھي سره په ګډه كېك كټ كړو۔ په دې موقع پاكستان هائي كمېشن د تحريك پاكستان او تاريخي منظرونو عسكونو ٬ د ملګرو ملتونو په امن مشن كښې د خذماتو ترسره كوؤنكو مېرمنو او دې سره سره په بېلو څانګو كښې د غوره خذمات ترسره كوؤنكو پاكستاني مېرمنو بینظیر بھټو ، محترمه فاطمه جناح ، ملاله یوسفزئی او د بېنکار شمشاد اختر عكسونو نندارتون هم وشو۔ دستوره كښې د عرب هېوادونو ٬ اروپائي ائتلاف ٬ لاطيني او افريقائي هېوادونو په شمول د چین ، روسيه، ایران ، هند ، ترکیه، ایران ، اټلی ، برازیل ، سعودی عربستان ، انډونیشیا ، ملائشیا ، وېت نام او د کروشیا سفیرانو او سفارتكارو او ملكي او غېر ملكي خبريالانو ګډون وكړو

مضمون کا ماخذ : لاٹری کے لائیو نتائج

متعلقہ مضامین