هېواد كښې د حكومت د هڅو په نتيجه كښې د توان په څانګه كښې د ګاز په كمبوت او په لوډشېډنګ تر ډېر حد قابو موندلې شوې

كوهاټ 27 مارچ (اے پي پي) وزيراعظم شاهد خاقان عباسي وئېلي دي چې هېواد كښې د حكومت د هڅو په نتيجه كښې د توان په څانګه كښې د ګاز په كمبوت او په لوډشېډنګ تر ډېر حد قابو موندلې شوې٬څو مياشتې پس به هېواد كښې لوډشېډنګ نه كېږي٬د ګاز په څانګه كښې نوې لټون سره به د توان تحفظ باوري كولو كښې مرسته وشي٬پاكستان كښې ځايي او غېر ملكي سرمايه كارو له هر ډول آسانۍ وركولې كېږي۔ د دې خيالاتو څرګندونه ده د نهې په ورځ د مول پاكستان تولنج ګاز پراسېسنګ پلانټ پرانستې او دستورې ته خطاب كښې وكړه۔ د دې څخه وړاندې وزيراعظم شاهد خاقان عباسي د مول پاكستان تولنج ګاز پراسېسنګ پلانټ پرانسته وكړه۔ په دې موقع د خېبرپښتونخوا ګورنر اقبال ظفر جهګړا او نور چارواكي هم موجو وو۔ تولنج پروژه د پبلك پرائېوېټ پارټنر شپ ښه مثال دے۔ دې نوي پلانټ سره به د هېواد شمالي برخو او كے پي كے ته د ګاز سپلائي زيات شي۔ دا پروژه يو نيم كروړ ډالر لګښت سره بشپړ شوې۔د دې څخه به د ورځې 2 كروړه كيوبك فټ ګاز پیدا كېږي٬تولنج پروژې څخه به قامي خزانې ته د كال 3 كروړه لس لكه ډالره آمدن كېږي۔ پروژه به د توان حاجت پوره كولو كښې مرستياله وګرځي۔ وزيراعظم دستورې ته په خپل خطاب كښې ووئيل خېبرپښتونخوا كښې د ګاز پیداوار دا تر ټولو لويه پروژه ده۔ ده په دې پروژه كښې د سرمايه كارۍ كولو هركلې كولو سره ووئيل چې په پاكستان كښې په سرمايه كارۍ كولو”مول”مننه كوو۔ د مول سره شراكتداري كاميابه ده۔ده ووئيل 2013 كښې چې كله زمونږ حكومت راغلو نو هېواد د توان او ګاز كمبوت سره مخ وو خو د حكومت د ښه اقداماتو په سبب په دغه مسئلو قابو موندل شوې۔د يخښنۍ موسم كښې هم ټولو كورونو او صنعتونو ته ګاز ترلاسه وو او سي اېن چي سټېشنې هم پرانستې وې۔كارخانو له د تعطل نه غېر ګاز وركړی كېږي۔وزيراعظم ووئيل په لوډشېډنګ هم تر ډېر حد قابو موندل شوې۔پاكستان كښې به څو مياشتې پس لوډشېډنګ نه كېږي۔ده ووئيل د ګاز په څانګه كښې نوې لټون سره به پاكستان ته د توان په څانګه كښې مرسته ترلاسه شي۔ده ووئيل په هېواد كښې د امن وضعه وړاندې څخه ښه ده چې له امله يې غېر ملكي سرمايه كاري كېږي۔ده وئيل حكومت د توان تحفظ له زيات كار كړې دغسې خېبرپښتونخوا ته په پیښو چارو د ګورنر او اعلٰی وزير سره په ګډه د مسئلو حل له هڅې شوي۔ده د پلانټ آپرېشنل كېدو مول له مباركي وركړه او په مرسته يې د صوبائي حكومت هم مننه وكړه

مضمون کا ماخذ : آن لائن اسکریچ کارڈز

متعلقہ مضامین