افغانستان كښې امن لپاره بايد د خبرو اترو لار خپله كړې شي۔ ٬ د طاقت د لارې امريكې تردې دمه كاميابې ونه موندله

اسلام آباد ۔ 20 مارچ (اے پی پی) د جوائنټ چيفس آف سټاف پخواني چيئرمېن جنرال (ر) احسان الحق وئيلي دي افغانستان كښې پائيدار امن لپاره بايد د خبرو اترو لار خپله كړې شي۔ ٬ د طاقت د لارې امريكې تردې دمه كاميابې ونه موندله ۔ طالبان بايد د افغان مشرتابه لخوا د خبرو بايد مثبت ځواب وركړي۔ پاکستان افغانستان پائیدار امن او سیاسی عمل غواړي۔ د افغانستان د بنیادی مسئلو حل له تر دې دمه كوم ګام پورته نه كړې شو۔ ده د پاكستان تھنك ټېنګ تر سېوري لاندې ” د افغانستان ستونزه او وړاندې څه دي” په سرخط د يو ورځني نړيوال كنفرنس د پايې سېشن ته خطاب كولو۔ د كنفرنس بنيادي مقصد افغانستان كښې د استحكام نشتوالي د بېلو اړخونو جاج اخستو سره نړيوال امن او استحكام لپاره وړاندېزونه وركول وو۔ د كنفرنس يو مقصد دا هم ؤ چې د هند په موجودګۍ كښې د پاكستان تحفظاتو لپاره افغانستان څنګه او كوم ممكنه ګام پورته كولې شي او د سيمې ايزې سلامتيا او استحكام لپاره د پاكستان كردار په ډاګه كول وو۔ پخواني دفاع سېكتر لېفټېننټ جنرال (ر) آصف یاسین ملک ووئيل منطقه كښې پاكستان افغانستان لپاره د كوم بل هېواد څخه زيات اهميت لري۔ ده ووئيل غېر مستحکم افغانستان د پاک ۔ چین اقتصادی راهدارۍ لپاره نېغ په نېغه خطر دے۔ دواړو هېوادونو له به دوه اړخيزه تجارت له نور ګامونه پورته كول وي۔ د اروپائي ائتلاف پلاوي مشر جینز فرانسکیو ووئيل د دواړو هېوادونو د اولس تحفظ تر هر څه زيات مهم دے۔ منطقه كښې پائيدار امن ٬ استحكام او سلامتيا لپاره د افغانستان ستونزه بايد ختمه شي۔ د پاكستان هاؤس ډي جي رانا اطهر جاوېد ووئيل سولئيز افغانستان لپاره خبرې اترې يوازنۍ ذريعه ده۔ دفاعی تجزیه کار مېجر (ر) روبرټ ګلیمور ووئيل د كال 2018ء صورتحال پخوا څخه بېخي بدل دے۔ هند افغانستان كښې كار كوي او د افغانستان خاورې كارولو سره پاكستان عدم استحكام سره د مخ كولو له هڅې كوي۔ پیر سیّد اشتیاق ګیلانی ووئيل هند د خپلو ناوړه مقاصدو لپاره افغانستان كاروي او افغانستان ورسره بشپړه مرسته كوي

مضمون کا ماخذ : خلائی جنگیں

متعلقہ مضامین