وزیر اعظم دا نوتشکیل شدہ این ای او سی دا دورہ ، این ڈی ایم اے موسمیاتی تبدیلی دے اثرات دے خلاف پاکستان سانڳے’’ حفاظتی دیوار ‘‘ثابت تھیسی، شہبازشریف

APP15-200624 ISLAMABAD: June 20 Prime Minister Muhammad Shehbaz Sharif addresses the National Emergencies Operation Centre. APP/ABB

اسلام آباد۔20جون (اے پی پی):وزیراعظم شہباز شریف نو تشکیل شدہ نیشنل ایمرجنسی آپریشن سینٹر (این ای او سی) دی تعریف کریندے ہوئیں امید ظاہر کیتی اے جو نیشنل ڈیزاسٹر مینجمنٹ اتھارٹی (این ڈی ایم اے) موسمیاتی تبدیلی دے اثرات دے خلاف پاکستان سانڳے حفاظتی دیوار ثابت تھیسی ، موسمیاتی تبدیلیاں پاروں پاکستان ریڈ زون اتے 10شدید متاثرہ ملکاں دی فہرست اچ شامل اے ، اساکوں حوصلہ نی ہرݨا بلکہ سخت محنت کرݨی اے اے ڳالھ انہاں وفاقی وزراء اتے وفاقی سیکرٹریز دے رلے این ای او سی دا دورہ کریندے ہوئیں آکھی اے ۔ گزریل سال اکتوبر اچ نو تشکیل شدہ این ای او سی دے افتتاح دے بعد اے وزیر اعظم دا پہلا دورہ ہئی۔انہاں چیئرمین این ڈی ایم اے لیفٹیننٹ جنرل انعام حیدر ملک دی تعریف کریندے ہوئیں آکھیے جو انہاں پہلے دے مجوزہ منصوبے آفس ٹاور دی تعمیر دےبجائے اتھارٹی دی استعداد کار اچ ودھارے تے انسانی وسائل دی ترقی تے توجہ ݙیوݨ دا خواب پورا کیتے ۔2022 دی چھل دے بعد آپݨی سابقہ میٹنگزدا حوالہ ݙیندے ہوئیں وزیر اعظم آکھیے انہاں این ڈی ایم اے دے سربراہ کوں تجویز ݙتی ہئی جو او ادارے کوں جدید ترین ٹیکنالوجی، صوبیں توں تجویزاں تے مستقل انسانی وسائل نال لیس کرتے ایندی استعداد کار ودھاوݨ کوں ترجیح ݙیون ۔انہاں آکھیے اڄ جیویں ایں خواب کوں پورا کیتا ڳئے او تعریف دا مستحق اے۔ میکوں نی لڳدا جو کہیں صوبے عالمی معیار دے نظام دے نال ایجھی صلاحیت ڳھدی اے ۔ میکوں خوشی اے جو تساں اُچی عمارت دے بجائے ایں ڈیجیٹل ہب اچ سرمایہ کاری کیتی۔وزیراعظم آکھیے 2022 دی چھل ملک کوں 30 ارب ڈالر دا ضیان پڄائے جیں تے قابو پاوݨ سانڳے کئی سال لڳسن کیوں جو صرف وفاقی حکومت متاثرہ آبادی دی بحالی کیتے 100 ارب روپے خرچ کیتن انہاں آکھیے اوں ویلھے دی وزیر موسمیاتی تبدیلی شیری رحمان، وزیر خارجہ بلاول بھٹو زرداری اتے ٻئے وفاقی و صوبائی اداریں دیاں کوششاں دے نتیجے اچ ملک لکھاں لوکاں دی بحالی اچ کامیاب تھئے۔وزیر اعظم شہباز شریف میرٹ تے معیاری انسانی وسائل دی شمولیت اتے این ایم ڈی اے اچ تھرڈ پارٹی ویلیڈیشن میکانزم دے قیام دی تعریف کریندے ہوئیں عملے دی تربیت اتے سازوسامان مل گھنݨ سانڳے حکومت دی حمایت اتے فنڈنگ دا یقین ݙیوائے ۔ انہاں وفاقی وزراء اتے سیکرٹریز کوں آکھیے او پاکستان کوں ھک عظیم قوم بݨاوݨ سانڳے رول ماڈل دا کردارنبھاون ۔ایں موقع تے چیئرمین این ڈی ایم اے لیفٹیننٹ جنرل انعام حیدر ملک وزیراعظم کوں نیشنل کامن آپریٹنگ پکچر (این سی او پی) بݨاوݨ، ڈیجیٹل رسک اسسمنٹ کوں تکڑا کرݨ ، قبل از وقت وارننگ سسٹم اتے پاکستان سانڳے تیاری دی حکمت عملی دا ݙسائے ۔بریفنگ اچ نہ صرف قومی بلکہ علاقائی سطح تے 6 توں 10 مہینے پہلے موسم دی پیشگوئی کرݨ دی این ای او سی دی صلاحیت تے وی روشنی پاتی ڳئی ۔ ایں موقع تے وزیراعظم دے رلے وفاقی وزیر خارجہ اسحاق ڈار، وزیر اطلاعات عطاء اللہ تارڑ، وزیر صنعت رانا تنویر حسین، وزیر پیٹرولیم ڈاکٹر مصدق ملک، وزیراعظم دے مشیر رانا ثناء اللہ، وزیراعظم دی کوآرڈینیٹر رومینہ خورشید عالم اتے ڈاکٹر مختار احمد موجود ہن جݙاں جو صوبیں دے چیف سیکرٹریز، گلگت بلتستان تے آزاد جموں و کشمیر دے چیف سیکرٹریز ویڈیو لنک دے ذریعے شریک ہن۔

مضمون کا ماخذ : jogos de raspadinha

متعلقہ مضامین