حکومت آئی ایم ایف پروگرام کوں بحال کرݨ تے پاکستان کوں پائیدار ترقی دے رستے ٹورݨ کیتے پرعزم اے، وزیرخزانہ مفتاح اسماعیل

اسلام آباد۔26مئی (اے پی پی):وفاقی وزیرخزانہ ومحصولات مفتاح اسماعیل آکھیے جو اساکوں سخت زرعی پالیسی تے مالیاتی استحکام کوں مضبوط بݨاوݨ دی لوڑھ اے ،حکومت آئی ایم ایف پروگرام دے ول جائزہ تے پاکستان کوں پائیداربڑھوتری دی رستے ٹورݨ کیتے پرعزم اے۔ وزیرخزانہ مفتاح اسماعیل آکھیے جو او آئی ایم ایف نال مذاکرات توں بعد دوحہ توں واپس پڄ ڳئن ، گزریل ہفتے ساݙے وفد دی آئی ایم ایف دی ٹیم دے نال فیدہ مند تے تعمیری گالھ تھئی ۔وزیرخزانہ آکھیے جو مذاکرات اچ فروری 2022 اچ ایندھن تے سبسڈی ݙیوݨ سودھے مالی سال 2022دے دوران تھیوݨ آلے خساریں تے وی ڳالھ تھئی ۔ اساں مہانگ دی اچی شرح، زرمبادلہ دے ذخائراچ کمی اتے حسابات جاریہ دے کھاتیں دے خسارے اچ کمی دے تناظراچ مالی سال 2023 دے اہداف داوی جائزہ ڳھدا ۔ وزیرخزانہ آکھیے اساکوں سخت زری پالیسی اتے مالیاتی استحکام کوں مضبوط بݨاوݨ دی لوڑھ اے ، ایں پس منظراچ حکومت مالی سال 2023 اچ بجٹ خسارے کوں گھٹ کرݨ کیتے پرعزم اے۔ وزیرخزانہ آکھیے آئی ایم ایف دی ٹیم ایندھن اتے بجلی تے سبسڈیز واپس گھنݨ دی اہمیت اجاگرکیتی جیڑھی جو گزریل حکومت آئی ایم ایف دے نال کیتے ڳئے معاہدے دے برخلاف ݙتیاں ہن ۔وزیرخزانہ آکھیے جو حکومت آئی ایم ایف پروگرام دے ول جائزہ اتے پاکستان کوں پائیداربڑھوتری دی رستے ٹورݨ اچ پرعزم اے ۔

مضمون کا ماخذ : جنگل کے راز

متعلقہ مضامین