اوگرا پاران نومبر 2024ع لاءِ آر ايل اين جي جي قيمتن ۾ واڌ

اسلام آباد-15 نومبر (اي پي پي) آئل اينڊ گيس ريگيوليٽري اٿارٽي (اوگرا) وفاقي حڪومت جي پاليسي گائيڊ لائنز موجب سوئي ڪمپنين جي نومبر لاءِ ري گيسيفائيڊ ليڪوئڊ نيچرن گيس (آر ايل اين جي) جي قيمتن جو تعين ڪري واڌ ڪري ڇڏي، جيڪا پهرين نومبر 2024ع کان لاڳو هُوندي. اوگرا جي ترجمان عمران غزنوي جاري بيان موجب آر ايل اين جي قيمتن ۾ بنيادي طور تي واڌ ڊليوري ايڪس شپ (ڊي اي ايس) جي قيمت ۾ واڌ سبب ٿئي ٿو. هن ٻُڌايو ته ايس اين جي پي ايل جي صارفين لاءِ قيمتن ۾ گذريل مهيني آڪٽوبر جي ڀيٽ ۾ آر ايل اين جي قيمت ۾ 2.49 سيڪڙو يا 0.3216 ڊالر في ايم ايم بي ٽي يو واڌ ٿي آهي جڏهن ته ايس ايس جي سي ايل صارفين لاءِ قيمتن ۾ گذريل مهيني آڪٽوبر جي ڀيٽ ۾ 0.3346 ڊالر في ايم ايم بي ٽي يو يا 2.68 سيڪڙو واڌ آهي. اوگرا ڪالهه جاري پنهنجي نوٽيفڪيشن ۾ ايس اين جي پي ايل صارفين لاءِ آر ايل اين جي سراسر وِڪري جي قيمت 13.2609 ڊالر في ايم ايم بي ٽي يو ۽ ايس ايس جي سي ايل صارفين لاءِ 12.8005 ڊالر في ايم ايم بي ٽي يو مقرر ڪئي آهي. ترجمان چيو ته آڪٽوبر مهيني لاءِ ريگيوليٽر ايس اين جي پي ايل صارفين لاءِ آر ايل اين جي ڊسٽري بيوشن قيمت 12.9393 ڊالر/ايم ايم بي ٽي يو ۽ ايس ايس جي سي ايل صارفين لاءِ 12.4659 ڊالر/ايم ايم بي ٽي يو طور تي نوٽيفاءِ ڪئي وئي هئي. آر ايل اين جي قيمتن جو نوٽيفڪيشن اوگرا ويب سائٽ تي موجود آهي.

مضمون کا ماخذ : پاور بال کے نمبر

متعلقہ مضامین